Graham Beck belê R150 miljoen op uitsluitlike fokus op Méthode Cap Classique

Graham Beck stuur voortaan in ʼn baie spesifieke rigting met Méthode Cap Classique (MCC) as enigste fokus in die toekoms. Die uitvoerende hoof, Chris du Toit, het die besluit om die handelsmerk se toekomsrigting te verander bevestig met ʼn gepaardgaande omvangryke finansiële belegging.

“Hierdie verandering loods die begin van die posisionering van die Graham Beck MCC-reeks as vlagskip-markleier in die MCC-kategorie in sowel die plaaslike as internasionale mark, met ʼn fokus op die allerbeste kwaliteit,” verduidelik Du Toit. “Ons sal R150 miljoen oor die volgende drie jaar in die projek belê. Dit beaam die sterk mosie van vertroue wat die Beck-familie in die onderneming plaas om eksklusief op MCC-produksie in die toekoms te fokus.

Bederf jou Ma by Durbanville Hills

Geniet ’n maaltyd met jou ma hierdie Moedersdag in Durbanville Hills se restaurant en sorg dat sy ekstra spesiaal en baie bederf voel.

Die drie gange wat op 8 Mei tussen 12:00 en 15:00 aangebied word, is spesiaal geskep deur die sjef, Louisa Greeff, en sluit heerlike kombinasies van geure en teksture in.

Sluk NOU jou Woorde!

Sluk jou WoordeSluk jou Woorde is ‘n nuwe opwindende en unieke wynreeks wat Afrikaanse etikette met prettige name gebruik om die verbruiker aan van ons land se voorste wyne bekend te stel.

Volgens die eienaars het dit baie gesels, dink, toets, proe, ontwerp en herontwerp geverg, om Sluk jou woorde "Elke sluk vertel ‘n Storie" vir die eerste keer die Stellenbosse lug te laat aanskou. Die eienaars reken hul wil die wynbedryf in Afrikaans ‘n pret-omgewing maak, en wegkom van die dae van stywenekwynproeë en -besprekings, van neus, en teug en adem en nasmaak en lang palet in die middelmond – almal ingewikkelde wynterme wat skynbaar net vir die geleerdes en kenners bestem is.

Met reuse in die Afrikaanse leefwêreld soos die Woordeboek van die Afrikaanse Taal (WAT), en die US Woordfees, binnekort 'n Afrikaanse radiostasie, en dalk ‘n televisieprogram of twee saam op die rak, gaan mense nog baie pret hê met hierdie wyn en sy unieke Afrikaanse stories.

Sluk jou Woorde is gebore uit die wingerde van die Wellingtonse en Stellenbosse wynstreek en grootgemaak in die wyntenks van die bekende Koelenhof-kelder onder die waaksame oog en in die sorgsame hande van Martin Stevens, wynmaker van formaat.

Agtervolg hulle op Twitter en Facebook of koop 'n dosie wyn by Kuberkeller (Cybercellar) - hul het selfs epos by This email address is being protected from spambots. You need JavaScript enabled to view it.

Waterkloof se twee ernstige koel komkommers

Waterkloof Circle of Life

Waterkloof, die biodinamiese wynplaas aan die buitewyke van Somerset-Wes wat gehalte wyn in harmonie met moeder natuur maak, het pas die jongste tweetal in sy Seriously Cool- reeks vrygestel, ‘n voortreflik gebalanseerde Cinsault 2015 en Chenin Blanc 2015.

Hierdie twee wyne is afkomstig van van die oudste bostokwingerde – tussen 26 en 61 jaar oud – in die koeler Helderberg-wynstreek, wat lae opbrengste van gekonsentreerde druiwe oplewer. Soos die naam op die etiket aandui, is beide van hulle gemaak om ernstig opgeneem en nie te warm of te koud, maar eerder effens verkoel, geniet te word.
“Die nabyheid van Valsbaai bied die perfekte klimaat vir ‘n langer, egalige rypwordingsproses om sodoende gekonsentreerde geure, kompleksiteit, finesse en ‘n vars natuurlike suurheid in die druiwe te ontwikkel,” vertel Waterkloof se jong keldermeester, Nadia Barnard.

Verfrissende gazpacho en wyn by Constantia Glen

De Krans Pinotage RoseVerlustig jou in ‘n soel herfsmiddag met ‘n bord verfrissende gazpacho en ‘n perfekte wynpasmaat by Constantia Glen se proekamer.

Hierdie opbeurende koue tamatie- en soetrissie-sop, bedien met varsgebakte baguette, is ‘n wenkombinasie saam met die Constantia Glen Sauvignon Blanc 2015 om die Constantia-vallei se warm weer mee te geniet. Die Sauvignon Blanc 2015, met sy titsel sSémillon, se intense geure is nommerpas vir die gazpacho.

Constantia Glen se proekamer is slegs 20 minute se ry uit die Kaapstadse sakekern en is ‘n heerlike toevlug om by te ontspan.

Four Cousins-likeurs kry sexy en modieuse baadjie

“Daar is geen liefde meer opreg as die liefde vir kos nie.” As dit waar is, en wie is ons dan eintlik om die woorde van die bekende Ierse dramaturg George Bernard Shaw in twyfel te trek, dan moet dit wat ons drink kort op kos se hakke in die tweede plek wees. Met hierdie “opregte liefde” vir kos en wyn in gedagte het die bekende Van Loveren-wynlandgoed in die Robertson-wynvallei ’n baie sexy en modieuse “uitrusting” vir sy Four Cousins Marula Flavoured Cream Liqueur en Strawberry Flavoured Cream Liqueur bekend gestel.

Die nuwe ontwerp is baie hedendaags en sterk gewortel in Afrika. Dit herrinner aan die shweshwe-ontwerpe van Afrika wat tans wêreldwyd baie modieus en gewild is.

var _gaq = _gaq || []; _gaq.push(['_setAccount', 'UA-38089924-1']); _gaq.push(['_trackPageview']); (function() { var ga = document.createElement('script'); ga.type = 'text/j-avascript'; ga.async = true; ga.src = ('https:' == document.location.protocol ? 'https://ssl' : 'http://www') + '.google-analytics.com/ga.js'; var s = document.getElementsByTagName('script')[0]; s.parentNode.insertBefore(ga, s); })();