|
Groter 2012-wyndruifoes verwag
Die wynbedryf is positief dat vanjaar se goeie groeiseisoen ’n groter oes sal oplewer, ondanks ʼn krimpende wingerdstand in die jongste jare. Dít volgens VinPro se wingerdkonsultante in ʼn voorlopige Seisoensoorsig en Oesverwagting-verslag wat in samewerking met Sawis uitgereik is. Met ʼn koue winter en matige na warm lenteseisoen agter die rug, en goeie, egalige uitbot, is VinPro se span streekswingerdkundiges optimisties dat die oes groter as die 2011-oes gaan wees. Opbrengste van tussen 5 en 10% hoër as die 2011-oes word voorspel. Volledige berig.
Durbanville Wynvallei se wit juweel skitter weer
Die geskiktheid van die Durbanville Wynvallei vir die produksie van uitstaande sauvignon blanc, is weer bevestig toe verskeie wyne in twee kompetisies baie goed gevaar het. Wyne van die Durbanville-streek het erkenning verwerf in die FNB Top 10 Sauvignon Blanc Toekennings en Bartho Eksteen Sauvignon Blanc Celebration. Volledige berig.
Suksesvolle jaar vir Bon Courage
Bon Courage het ‘n baie suksesvolle jaar beleef en nie minder nie as 22 vooraanstaande toekennings oor sy wye reeks wyne, wynstyle en pryspunte los geslaan op ‘n verskeidenheid nasionale wynkompetisies. Twee dubbelgoud, vyf goud by Veritas, drie goud by Michelangelo, drie diamant-toekennings by Winemakers’ Choice Awards en nasionale wenner by SA Terroir-wyntoekennings. Volledige berig.
Windmeul Kelder boer hoog vooruit
Die afgelope jare se suksesverhaal van Windmeul Kelder in die Agter-Paarl duur voort nadat hierdie kelder in 2011 soos verlede jaar weer hoog uitgestaan het as een van Suid-Afrika se top presteerders. Windmeul is vir die tweede jaar agtereenvolgens by die Winemakers’ Choice Wynkompetisie as die Top Produsent in SA aangewys en het die Trofee vir die Top Rooiwyn opgelewer. Windmeul het ook vir die SA Kampioen Cabernet gesorg. Volledige berig.
Altydgedacht se nuutste oesjare in nuwe verpakking
Die Parkers van die geskiedkundige landgoed Altydgedacht (wat “altyd in die gedagte” of “altyd nadenkend” beteken) stel die jongste oesjare van hul wyne bekend, die Altydgedacht Gewürztraminer 2011, Altydgedacht Barbera 2010 en die Altydgedacht Sauvignon Blanc 2011, ‘n dubbelgoud-wenner by Michelangelo Internasionale Wyntoekennings.
Volledige berig.
Die 2012 Platter-gids is op die rak
Met meer as 7 000 Suid-Afrikaanse wyne verteenwoordig in die omvattende Platter’s South African Wine Guide 2012,kan hierdie gesaghebbende wynpublikasie met reg as die wynliefhebber se “sat-nav” beskryf word, ‘n gids wat jou ‘n magdom beskikbare handelsmerke bring. Platter’s, wat reeds sedert 1980 uitgegee word, is die oorspronklike gids oor wie’s wie en wat. Volledige berig.
Distell-brandewyn praat in New York
Distell is by die 2011 New York International Spirits Competition as Distilleerdery van die Jaar vereer, en het die enigste dubbelgoue medalje gewen. Dit was die maatskappy se eerste deelname aan dié geleentheid, wat meer as 300 inskrywings van 30 lande gelok het. Die dubbelgoud is toegeken aan Oude Meester Souverein, ’n versnit van Savalle-potketelbrandewyne wat 18 jaar en langer in Franse eikehout verouder is. Volledige berig.
Two Oceans kry 'n hupstoot in VSA
Die Suid-Afrikaanse wynhandelsmerk Two Oceans vaar tans nie net beter as sy mededingers in die sektor vir ingevoerde wyn in die VSA nie, maar het pas ’n hupstoot gekry deurdat die vooraanstaande Four Seasons-onthaalgroep hom in sy lyste ingesluit het. Two Oceans Chardonnay gaan vir die volgende 24 maande in 25 hotelle in die VSA en die Karibiese Eilande beskikbaar wees.
Volledige berig.
SA se Fairtrade blykbaar gewild oorsee en plaaslik
Suid-Afrikaanse wyne met die Fairtrade-seël vir sosiaal verantwoordelike vervaardiging se populariteit neem blykbaar in Europese, Amerikaanse en Asiatiese markte toe. Dit gebeur ook plaaslik. Volgens Ferdinand Appel, hoofbestuurder by uniWines Vineyards in die Breedekloof streek, toon SA verbruiker en handelaars ook 'n groeiende belangstelling. Volledige berig.
Super Somer in Stellenbosch Vallei
Geniet ‘n pret-belaaide somerprogram en super somer in Stellenbosch Vallei. Van 16 tot 18 Desember bied wynplase ‘n propvol program met uitsoekwyne, watertandlekker kos en opwindende vermaak vir die hele gesin. Geniet interessante aanbiedings en die natuurskoon. Volledige berig.
Medaljewenners van Darling Cellars
Darling Cellars, geleë in die koel Weskus-wyndistrik van Darling (wat die veelgeroemde Groenekloof-wyk insluit), het vanjaar sy trofeekas aansienlik uitgebrei met nie minder nie as agt silwer medaljes op vanjaar se International Wine & Spirit Competition (IWSC) in Londen. Die Darling Cellars Reserve Black Granite Shiraz 2010 het die beste in sy klas gevaar. Volledige berig.
Sauvignon Blanc Top 10 wenners
Deur Christian Eedes
Was 2011 die regte oesjaar vir plaaslike Sauvignon Blanc? Die byna deurlopende warm en droë toestande het wyne voortgebring wat ryker en ryper as gewoonlik is en daarom aanloklik mag wees vir ‘n groep verbruikers wat stadigaan moeg raak vir wyne wat ultra-groen en ultra-asidies is. Volledige berig.
Plaisir de Merle verskaf SAA se voorste rooi
Nie alleen het 'n internasionale span beoordelaars drie van Plaisir de Merle se wyne gekies om op South African Airways se wynlys vir 2012 te verskyn nie, maar die Plaisir de Merle Cabernet Sauvignon 2009 is ook as die beste rooiwyn van die jaar aangewys. Meer as 'n duisend inskrywings van landgoedere en wynkelders regoor die land is beoordeel vir die lugredery se toekennings. Volledige berig.
La Motte is SA se wyntoerisme-wenner
La Motte naby Franschhoek is die Suid-Afrikaanse wenner van die Great Wine Capitals (GWC) Best of Wine Tourism-toekenning vir 2012. Die aankondiging is onlangs in Mainz in Duitsland gemaak by 'n glansdinee waar vooraanstaande wyntoerismepraktisyns van orals ter wêreld teenwoordig was. Die gasheer was GWC. Volledige berig.
Du Toitskloof wen beste waarde
Du Toitskloof-Wyne naby Rawsonville het weer eens bewys dat wyn van buitengewone gehalte nie ʼn plaas se prys hoef te kos nie nadat dit aangewys is as die kelder wat algeheel die beste waarde vir geld bied. Dit is die vyfde keer in 12 jaar dat die kelder hierdie onderskeiding behaal. Dertien van sy wyne is ingesluit in die 2012 Best Value Wine Guide. Volledige berig.
WYNKALENDER
14 Januarie
Windmeul Kelder Plaasmark
Vars plaasprodukte direk van die verskaffer. 'n Tradisionele gereg word berei vir 'n smaaklike ete. Op die hoek van die R44 en Agter-Paarlpad, aan die noordelike hange van Paarlberg, in die Windmeul-wynsentrum. Bekroonde wyne kan ook geproe en gekoop word. Tel. 021 869 8100 / 8043. E-pos suretha@windmeul.com of besoek www.windmeulwinery.co.za.
|
Dinge lyk goed in die Kaapse wynland.
Diemerdal wynmaker Thys Louw en Wade Bales.
Andre, Jacques en Pieter Bruwer.
Anton Laas (wingerdboukundige), Danie Marais (keldermeester) en Francois van Niekerk (wynmaker).
Etienne Louw en Ollo Parker.
Tim Rands en Marc Kent van Boekenhoutskloof en Philip van Zyl.
Dubbelgoud aan Oude Meester Souverein.
Four Seasons hotel in Beverly Hills.
Familiepret in die Stellenbosch Vallei se super somer.
Keldermeester Abé Beukes (middel), met die wynmakers Carel Hugo en Welma Visser.
Sauvignon Blanc Top 10-wenners se bottels omhoog.
Nolan Williams, Niel Bester, Salmon Mouton en Mervyn van Schoor.
La Motte se kunsmuseum.
Shawn Thomson.
Klik hier vir vorige nuus
Zonnebloem se vroue help baie
Grootdrink-kelder wen groot
Zonnebloem se nuwe span werk
Durbanville Hills presteer by Veritas
Bottelary Hills Familiedag
KWV staan uit by Veritas
Nederburg vol goud by Veritas
Uitkyk skep tuiste vir uile
Groenberg-ekoroete ook vol wyn
Drietal vir Du Toitskloofwyne
Nederburg heel bo in Five Nations
Du Toitskloof vol dinge by fees
Decanter sukses vir Kleine Zalze
Internasionale kenners by Veritas
Two Oceans borg Walvisfees
Neethlingshof Gewurztraminer staan uit
Waterblommetjiefees brei uit
Vinpro sal optree waar nodig
Distell se wye aanbod help baie
|
