Four Cousins se Directors Reserve premium merlot  nou hier

Four Cousins ​​het ’n premium, enkel-variëteit rooiwyn vrygestel, wat wynliefhebbers nooi om hierdie gevierde wynkelder se beste wingerde deur dié uitstaande wyn te ontdek. Die Directors Reserve Merlot is ’n ambassadeur van die Four Cousins-kwaliteit.

Four Cousins se geliefde verhaal is een van die vier Retief-neefs van die Robertsonvallei, wat hul vriendskap en talente saamgesnoer het om heerlike alledaagse drinkwyn te maak. Die neefs se respek vir familiewaardes het hul visie inspireer om ’n wyn te maak wat meer karakter, styl en gulheid lewer en Four Cousins ​​dié wyn maak, om samesyn met vriende te vier.

“Die kombinasie van Merlot – Suid-Afrika se gunsteling-variëteit – en die beste terroir, het die perfekte pasmaat geskep vir die Four Cousins ​​Directors Reserve,” sê Phillip Retief, een van die neefs saam met Bussell, Neil en Hennie. “Ons vier neefs het nog nooit weggeskram van ’n geleentheid nie en om hierdie wyn te maak, was net só ’n goeie geleentheid vir ons. Ons wou hierdie spesifieke wingerde ten toon stel en ’n premium-uitdrukking vir aanhangers van die Four Cousins-handelsmerk skep.”

Spesifieke blokke Merlot is persoonlik deur die neefs uitgesoek – wat ook die direkteure is waaraan die wyn sy naam te danke het. As die skeppers van die Four Cousins Directors Reserve, is hulle ook die  finale kwaliteit hekwagters.

Die druiwe wat in die Four Cousins Directors Reserve Merlot 2021 gebruik is, is afkomstig uit top-gehalte wingerde in die Robertsonvallei. Die streek bied ideale toestande vir hoë kwaliteit druiwe en die wingerde is geleë teen ’n helling van verweerde skaliegrond, wat goeie voedingstofreserwes en waterretensie bied. ’n Bergagtige rant stuur ligte kuswinde binnelands na die wingerd en koel die druiwe snags af, wat verseker dat die komplekse geure in die vrugte behou word.

In die glas stel die diep, robynkleurige wyn ’n ryk aroma vry, met skeutjies ryp pruime, kersies en donkersjokolade. Die smaak is gebalanseerd en intens met donker bessievrugte en ’n laag eksotiese speserye. Gladde tanniene verseker ’n sagte, talmende en onvergeetlike afwerking.

 Die voorgestelde kleinhandelprys is R120/bottel en die Merlot is by uitgesoekte handelaars en die Four Cousins aanlynwinkel by https://www.fourcousins.co.za/online-store beskikbaar.